Toj razkaz objasnjaje, čto jest Albanija, tak čto vy uviditě toliko (!) Mercedesy. Čisto za raznorodnost medžu fotografijami jesm ostavil jednogo koteka.
Putovne taxi (očividno, takože Mercedes) opuskaje mně prěmo posrěd ulici: tut jest opuštěny dom, tamo jest. Albanija jest druga bědna krajina Evropy posle Moldovy. Potrěbno priznati se, što kromě neostrižene travy, odpadov i vsakogo haosa takože vidiš jeju velikoju historiju i kulturne bogatstvo (a takože različnu i rědku floru i faunu)
Albanija i jeji narod jestvujut mnogo davno, ale nikto ne može kazati točno kako dolgo. Može oni sut potomkami Illirijcev, može starodavnyh Grěkov, možno ne těh i ne drugih. Izučajut toto zpravidla posrědtstvom jakykovědy-lingvistiky.
Albansky jezyk jest mešanina illirijskogo, grěčskogo, latinskogo, slovjanskyh, turečskogo i v posledne vremje russkogo, zatože možemo v něm najti slova kako “tjagaç”, “plitka” ili “dezhurn”. Afišy čitaješ — množinstvo jest razumlive.
Albanija jest jedna iz dvoh evropskyh krajin s množinstvom muslimske populaciji: tut jego sut više 60 procentov. Ostatni sut katolici i pravoslavni (ale ne sut Srbinami, sut Albancami).
Ježeli někto myslel, čto Albanci sut takimiže Turkami, kako Moldavane — Romanami, to on grěši. Albanci mnogu svoju historiju spolu so Srbami i Crnogorcami bojovali protiv osmanske kolonizaciji.
Albanija posle II světove vojny stala byti komunističnoju državoju i takože sojuznikom SSSR, ale vo drugoju polovině 1950 lět pospirala se i izolovala se, potom ostavila diplomatične svezky s Činoju i Romaniju, potom v 1960 lětah toliko s Romaniju. V to vremje jeju vladal Enver Hodža. Dělal on to više 40 lět. Vo vremje izolaciji on uvěrjal svoj narod, čto svět gotovuje proti nim velikoju vojnu, i stavil bunkery. Bunkerov bylo sut tako mnogo, čto po statistikě na jeden bunker prihodilo se 4 obyvatelja. Možno prědstaviti, v kakih kondicijah sut byli tamo ljudi.
Potom Hodža zemrěl. A potom počaly zavoziti Mercedesy. A, no to jesm už govoril.
