Polsky autobus po odličnomu četyrěh-linejnomu autobanu veze mně do Kosova s prěkrasnym obzorom na krajevid a takože na plastik-odpady prěmo na drogě.
Toj autobus jest polsky, zatože daže posle tolika lět koristěnija ljudi ne izměnili v něm polske nadpisy. Vsěm jest ravno. To jest normalno na Balkanah.
Oficialno v Kosovo sut dva jezyky: Albansky i Srpski. Minimalno ulične ukazky sut na dvoh jezykah. 90% pupulaciji sut vsako Albanci, ostatni 10% sut Srbi a ine.
Kako znajemo iz historiji, v lětu 2008 kosovsky parlament objavil o samostatnosti. Kosovo priznaly vsě, kromě těch, kto imaje podobnoju geopolitičnoju situaciju (t.j. kde imajut se separatistične regiony). Hispanija, Cypr, Ukrajina. Takože za krabočku Aqua Minerale Kosovo nepriznaly mnogo afrikanskyh i latinskyh krajin (srpska doplomatija!).
Raněje Kosovarci žili bědno. I tutčas prodolžajut to dělati. Srědnja plata tut jest okolo 500 euro prěd vyčetom danje. A ona jest takova toliko zatože mnogi rabotajut v EU a posilajut odtud svoj dohod. Jesli rabota jest lokalna, potom to jest toliko 350 euro. V někake měrje medžu tym faktom i těm, čto Kosovo jest demografično najmladša krajina v Evropě, očividno jest svezka. S populacijeju 2 mln člověkov ravno polovina ljudij jest mladši 25 lět.
V Kosovo i dodnes jest možno kuriti v kafe, da i celkovo ty kako by vračaješ se do 2000 lět. Klavišne mobily pradavajuči se na ulicah sut takože iz togo vrěmeni. Automobily. Ceny. Dostupnost urbanističnyh pomočnostij. Vsě jest zostalo někde tamo.
Města, ktore jest potrěbno posětiti, sut tri: Prizren (kulturna stolica), Priština (prosto Stolica) i Kosovska-Mitrovica (separatistična stolica). V každom městu budut obhody i barberšopy s nazvom Hillary, i takože pemětniky jegovu mužu Billu, američske zastavy.
Vo vsěh těchto městah v principu ne imaje što dělati (glědaj foto).
Kromě Mitrovicy.
Ona jest rozdělena na dvě časti, za 5 min možeš viděti dva različnyh světa. Jesli na jugu sut kosovski Albanci, na sěveru sut kosovski Srbi. Posrěd stoji most, ješče prěd par lěty na něm stal pograničny, danjevy post i ilaljanska policija. Tutčast toliko italjanska policija. Oni kakoby slědujut tut porědok.
I jesli v albanskoj časti ljudi govorjat na albanskom, a vsudy sut červeno-černe zastavy, kebap i torgovanje, to v srpskoj časti opačno: na hodu sut srpske dinary, srpski jezyk, zastavy a takože graffity s Putinom, Kosovo je Srbija i tako dalje.
Odsud jest možno idti na goru s velikym trikolorom. Do nas někto go privazal ko stolpu, daby se narazvival (pravdopodobno Albanci), ale jesmo go odvazali obratno. Zabavno jest, čto v takovom světnom městu jest šlyšno muslimske zovy k molitvě.
Tutčas što ja myslju o Kosovu Za prvo, toj incident... lepjě by jego ne bylo. Kromě jasnyh pretenzij, Kosovo — jesm ubědženy — absolutno točno ovplyvnilo myšlenije Putina. Kako znamo, prezident RF koristuje toj incident kako opravdanje jego imperialistične politiky, ale tut jest jedno ale. Sut različne motivy.
Kažu, čto razuměju negodovanje Srbov.
Ale čudno jest, kako mnogi Srbi ne vidžut paralelnosti medžu soboju i ukrajincami, a govorjat, čto Krym jest rusky. Situaciji sut razne, ale rabotaje to zaisto: kad lezeš do vnutryh děl někake krajiny a zabiraješ kusok teritoriji, to jest vsěgda zlo. Daže kad sut različne motivy.
Ale někto imaje směšne motivy — denacifikaciju, demilitarizaciju...
A někdo imaje dostojne.
Zafiksujemo tut različnost: ukrajinski ukrajinci ne izgonjali ruskih ukrajincov iz ih měst, iz raboty a konečno ne umrtvjali ih do konfliktu s Rossijeju.
Srbi — da. Kad se rozpadala Jugoslavija, prezident Miloševič na volně nacionalizmu provodil taku samu politiku. Albanci sut byli uniženy: bez raboty, bez obslugy. Pričem Albanci potom dělali samo isto a izgonjali Srbov iz ih teritorij. Vyglědělo to više kako genocid, neželi tutčas na Ukrajině. Absolutno točno. Po toj pričině NATO izbombardovalo Bělgrad a ine srbske města, pričem kasetnymi bombami, pričem takože obyčne obytne panelne domy, pričem umrtvjali mirnyh civilistov. Dělali isto samo, čto tutčas dělaje Rossija na Ukrajině.
Ješče raz: motivy konfliktov sut razne. Rezultaty iste. NATO = Armija Rossiji.
#Kosovo
#Interslavic
#Medžuslovjansky
